RADONG AYO ABIT=Taken Since June 2010

RADONG
Radong begu masam guna-i,amai di jemah jah bait di jeman madin;Daya muh raru nang biguna di radong adi nga ngera pakai kabis bua dean,uwang bait masam masam pimuruh jejak. Radong madin muh begu guh masam butik-i.Ata bisa ngatin di so duwuh butik radong Bidayuh ati...

ABIT
Abit adi nga nyamba kabis buru nga-i pen piin di jeman jah. Gambar abit ati adi dog nembit sewa 2010 di remin betang siburan asar.



BIDAYUH VERSION.

PRAMUN/KRAKAR DI TANJU

Aku an ngen trima kasih di Mr.Michael Lo adi so penyikutung gambar ati yun tibaran adi duh puan ani anu tanju,ka gambar ati adi dog nembit nga sewa 2009.Tanju,tapat adi nga bara daya dewan pedi,rada ato masam masam kayuh pimuruh adi ngera dapud,amai nga-i beda pisuk(kayuh adi bidewan).Tanju yuh-i nuh pirek adi dog nembit ato dog mutah so tering.

NYAMBA PAKAI BUTI (BRASS COIL-BIDAYUH SEMBAN)

"RUYANG & JAGANG"DARUM BANG PIMINYU DAYA SEMBAN      

Pimakai aksesori adi mun ati duh nang re timbur , pak di penyimendug tibaran rimuh naan dayung nyamba adi so rais semban mendug di penyirami Gawai Dayak di Kucing(KUCHING) bauh bauh atik,muh raru nang dog di asung bara daya rebis-i bara  pimendug ato di bara pinemi, wartawan ato jurufoto sok darum ka sepa rais.

Sibetur-i pimakai aksesori adi mun ati yuh-i nuh sito biasa so sewa 50-an ayo 60-an,samun di sewa 70an,pak-i bekun dinge yun sewa bauh madin(moden) ato di tibaran anak anya bauh/umbung bauh madin.

  Ngara ati yuh-i nuh sikasun tibaran adi so bara Bidayuh adi babu pakai aksesori adi mung atik.

  Anu pun kambui gi babu agi dayung Bidayuh an pakai-i,Amai pemakaian aksesori ati madin dog ngaku kuno.

  Di jeman jah, aksesori adi mun ati dog pakai ayo kiren yun dayung Bidayuh nga-i beda rebis remus di jewin ayo di purung ganan ngara ato mukin guh yun kidean situngang-i pemakai anu biyun aksesori adi nang daya brega di jeman anu.

Dean meh,kana pimakai atik rebis so anu amai pimakai di arong bites adi dog kidaan nga-i penyibekay masir yun pemakai atik nga-i nyibisa ngera so panu muun maad sendah darud. Penyimakai so arong kewin ka dinge dog kidaan nang ngen penyibekay di arong tengan pemakai anu yun-i ndai kerja adi baat.

Aksesori adi dog pakai di arong bites dog kadun ‘JAGANG’darum piminyu Bidayuh Semban arong Penrissen (Puncak/Tijuk Borneo) muko munu adi dog pakai di arong tengan yuh-i nuh‘RUYANG'.

  Agi guh daya adi pakai aksesori anu nga-i ngirit di tingok-i, yun penyibisa ngera di pimakai anu biyun tingo adi ambu, adi dog nangun nga nambit atin bara dayung di jeman jah. Dayung Bidayuh di jeman jah pakai aksesori ati siawar 10 sewa.

"BUTI"DARUM PIMINYU SIBURAN(BIATAH)

"Buti" yuh-i nuh adi nga nyamba ngering di bites,tengan ato kada daya ngering na di tingok-i.Tibaran adi babu pakai "Buti" yuh-i nuh tibaran daya adi so rais semban.Buti ati adi dog ndai so timaga,begu kada daya duh pauh puan simungki nuuh pakai/ngering buti ati,kaus-i daya adi agi penyipuan ka mireti pasar buti adu puan.Penyigering buti atik siraru-i dog ndai di arong sungi amai nga-i beda kerja jadi senang/mudah..

Ndai Sadis

Ngapui,so andu anu nug madin daya adi sita adat amba bigawai man sewa-i adi nga reput ngatum duh shiun duh pijog ndi sikuwang barang rawang-i,na di tutuk kamban,amai yun-i bagan apu kampa da muun so nu di sua ndai gawai-i.sikuwang anu dun tajur;jadi gawai di tipuh raput ngatum dun sitangid.Jadi kan daya muko masin masin pijog tajur-i,ayuh kisong ni anak radai di puun sikuwang anu ka na masam masam pinguman adi kana,mun anak pugang,bai baid,deya siok ka duut iken.Kan pinguman muh dog sidia ko dog na di tunduh radai anu,ni naan nyamba,pingubak gawai,bidoa bagan sikamba da manug sua nai gawai-i.Nyamba anu bidoa di akat sinduk puun tajur,ka so nganu meh adat anu muh jadi.Kraja nyamba anu dog kadun Nai sadis,amaiagi sadis di sinduk puun tajur di akat.Sadis,anu inu masam pinguman guh,na di tapan nutu nga banang bauh.Kan daya ko bigawai,daya bisa man sadis anu.Paris gawai anu pat ngarum yun daya bisa ruah dinge ka umuh.Kan ata kiris agi tajur ko dog pijog di rais daya,ata puan meh nang ngara muko bigawai man sawa-i.  

Simunu inu dundan pasar bitang adi num sirah,adi daya bidayuh pakai nga purun padi-i nug anu atik.Dun bitang anu Sikara:kambui duh sabab sibusu anu rabu taun-i ju sirah..

Jemuh Reking(Bidayuh)

Jemuh reking bidayuh siburan adi nga nyamba biberis jah-i..Bidayuh agik duwuh jemuh nga ngera pakai nga Bigawai di andu bas..Duwuh naan Dayung Bidayuh Siga Siburan pakai Jemuh(Sarong)Reking Asar...Sewa July 2010.

JEMUH REKING(SARONG BUTIK)
Jemuh ati adi so sumbuk Misah Anak Sas,ayuh pakai jemuh ati amai-i agi suwa ndai adat nyamba di rais jah. Jamuh ati muh raru nang tui-i dog nyikun amai-i dog pakai so turap ka turap.

JEMUH REKING(SARONG BUTIK)
Jemuh Reking ati adi so sumbuk Merian Anak Sanbui adi so rais duras,ayuh ati agi guh suwa ndai adat amba di rais jah(tunda sesang sindu-i)..Ata biyun begu so ati butik Jemuh Reking(sarong butik)pak aku duh tungang jiroh-i...